Мемлекеттік қызметтер көрсету саласындағы жария талқылаулар

Жыл сайын «Мемлекеттік көрсетілетін қызметтер туралы» Қазақстан Республикасы Заңының 23-бабының 5-тармағына сәйкес көрсетілетін қызметті берушілердің, мүдделі жеке және заңды тұлғалардың қатысуымен мемлекеттік көрсетілетін қызметтер мәселелері бойынша қызмет есептерін жария талқылау өткізіледі. Мемлекеттік қызметтер көрсету саласындағы қызмет туралы есептерді жария талқылау жетекшілік ететін саладағы мемлекеттік қызметтер көрсету мәселелері бойынша халықты хабардар етуге бағытталған. Жария талқылаулар сондай-ақ қызмет көрсетушілер қызметінің есептілігі мен ашықтығы, мемлекеттік қызметтердің сапасы мен қолжетімділігі, мемлекеттік қызметтерді көрсету процесін ұдайы жетілдіру, оларды көрсетудің үнемділігі мен тиімділігі қағидаттарын іске асыруды қамтамасыз етуге бағытталған.

Ағымдағы жылдың 01 наурызынан бастап 30 наурызына дейін ауданның білім беру бөлімінің және білім беру ұйымдарының (Қызмет) «Мемлекеттік көрсетілетін қызметтер» бөліміндегі сайттарында «Жария талқылаулар» кіші бөлімінде 2024 жылғы мемлекеттік көрсетілетін қызметтер саласындағы қызметтің нәтижелері туралы есептер орналастырылатын болады.

Аудан тұрғындарына «Түсініктеме» терезесінде ұсыныстар мен ескертулер қалдыру мүмкіндігі беріледі.

Ауданның барлық тұрғындарынан көпшілік талқылауға белсенді қатысуын сұраймыз.